Ռուսաստանը հարվածել է Խարկովին և Խերսոնին
Հուլիսի 31-ի գիշերը ռուսական զինված ուժերը հրթիռային հարվածներ են հասցրել Խարկովին։ Մարզային դատախազության խոսնակ Դմիտրի Չուբենկոյի խոսքով՝ քաղաքի ուղղությամբ С-300-ի հրթիռներն արձակվել են Ռուսաստանի Բելգորոդի մարզի տարածքից։
Հրթիռակոծության տակ է հայտնվել Խարկովի Նովոբավարսկի շրջանը։ Հրթիռներից մեկն ընկել է առևտրային ձեռնարկություններից մեկի պահեստի վրա, որտեղ հրդեհ է առաջացել։
Դեպքի վայրում վիրավորվել է ձեռնարկության աշխատակիցներից մեկը։ Նա հոսպիտալացվել է։
Ուկրաինայի արտակարգ իրավիճակների պետական ծառայությունը լուսանկարներ և տեսանյութ է հրապարակել Խարկովի հրթիռակոծությունից։
Բացի այդ, հուլիսի 31-ի առավոտյան ՌԴ ԶՈւ-ն համազարկային կրակի «Град» համակարգերից հրթիռակոծել է նաև Խերսոնի կենտրոնը։ Խերսոնի մարզային վարչակազմի ղեկավար Ալեքսանդր Պրոկուդինը հայտնել է, որ հրթիռակոծության հետևանքով վիրավորվել է կոմունալ ծառայության երկու աշխատակից։ Նրանք հոսպիտալացվել են։
Լուսանկարը՝ Ուկրաինայի արտակարգ իրավիճակների պետական ծառայության
Մեկնաբանել