Ռուսական զորքերն օգոստոսի 2-ի գիշերը հարձակվել են Օդեսայի մարզի նավահանգստային ենթակառուցվածքների վրա։ Իրանական արտադրության «Shahed» անօդաչուները հարվածել են նավահանգստային ու արդյունաբերական ենթակառուցվածքների ուղղությամբ։ 

Ուկրաինական լրատվամիջոցների տվյալներով՝ հարձակման պատճառով վնասվել են նավահանգստային օբյեկտներ, այդ թվում՝ վերելակ։ Տեղի բնակիչները նկարել են անօդաչուների հարվածների հետևանքները։

Անօդաչուները հարձակվել են նաև Կիևի վրա։ Մայրաքաղաքի քաղաքային զինվորական վարչակազմի ղեկավար Սերգեյ Պոպկոյի խոսքով՝ գիշերը Կիևի երկնքում խոցվել է 10 անօդաչու։

Կիևի քաղաքապետ Վիտալի Կլիչկոն հայտնել է, որ դրանց բեկորներն ընկել են ոչ բնակելի շինությունների վրա, ինչի հետևանքով չկան տուժածներ։ Կիևի մարզում, սակայն, գիշերային հարձակման ժամանակ հրդեհ է բռնկվել մասնավոր տներից մեկում։

Լուսանկարը՝ Ուկրաինայի արտակարգ իրավիճակների պետական ծառայության