Թուրքիայի մայրաքաղաք Անկարայում կայացել է Թուրքիայի նախարարների կաբինետի նիստ։ Ինչպես փոխանցել է TRT Haber-ը, կառավարության նիստը անց է կացել Թուրքիայի նախագահ Ռեջեփ Թայիփ Էրդողանի գլխավորությամբ։

Ինչպես նշվում է պաշտոնական հաղորդագրության մեջ, թուրքական կառավարության անդամները, ի թիվս այլ հարցերի, քննարկել են նաև Հարավային Կովկասում տեղի ունեցող գործընթացներն ու Ադրբեջանի ու Հայաստանի միջև հարաբերությունների կարգավորման գործընթացը։

Բացի այդ, քննարկման թեմաներից մեկը եղել է Թուրքիա Ռուսաստանի նախագահ Վլադիմիր Պուտինի հնարավոր այցն ու ուկրաինական հացահատկի գործարքի վերականգնումը։ 

TRT Haber-ը գրում է, որ քննարկման թեմաների թվում եղել են նաև Շվեդիայում ու արևմտյան մի շարք երկրներում Ղուրանի այրման դեպքերը։

Լուսանկարը՝ Թուրքիայի նախագահի մամուլի ծառայության