ԱՄՆ-ն երեքշաբթի՝ օգոստոսի 8-ին, կհայտարարի Ուկրաինային նոր ռազմական օգնության տրամադրման մասին։ Այդ մասին գրում է Reuters գործակալությունը։ Պարբերականի տվյալներով՝ օգնության փաթեթը կկազմի 200 միլիոն ԱՄՆ դոլար։

Ըստ Reuters-ի՝ նոր փաթեթում կներառվի ականազերծման համար սպառազինություն, Patriot զենիթահրթիռային համալիրների համար զինամթերք, Javelin տեսակի հակատանկային համալիրներ, համազարկային կրակի HIMARS համակարգերի համար ռեակտիվ հրթիռներ, ինչպես նաև այլ սպառազինություն ու զինամթերք։

Այդ միջոցներն առաջացել էին նախկինում հատկացված 6,2 միլիարդ դոլար արժողությամբ օգնության փաթեթից ռազմական սարքավորումների արժեքը հաշվարկելու ժամանակ հաշվապահական սխալի արդյունքում:

Միաժամանակ, ինչպես նշվում է, ԱՄՆ նախագահ Ջո Բայդենի վարչակազմը աշխատում է Ուկրաինային լրացուցիչ ֆինանսավորման ուղղությամբ, որը Կոնգրեսի քննարկմանը կներկայացվի աշնանը։

Լուսանկարը՝ Պենտագոնի մամուլի ծառայության