Ոստիկանությունը ուժի կիրառմամբ բերման է ենթարկել Կառավարության դիմաց փողոց փակած քաղաքացիներին, ովքեր իշխող ուժից պահանջում էին գործուն քայլեր կատարել Լաչինի մարդասիրական միջանցքը բացելու ուղղությամբ, հակառակ դեպքում իրենք՝ պատերազմի մասնակիցներով, կգնան դեպի Կոռնիձոր՝ ինքնուրույն բացելու ճանապարհը։ 

Կառավարության դիմաց այսօր ցերեկվանից հավաքված քաղաքացիները եկել էին «Խաչակիրներ» ջոկատի հրամանատար Սարգիս Պողոսյանի կոչով, ով բողոքի ակցիայից հետո կառավարության շենքի մոտ հայտարարեց, որ իրենք իրենց ջոկատով ու համակիրներով շարժվում են դեպի Կոռնիձոր, դեպի Տեղ գյուղ՝ միանալու աշխարհազորին։