Ռուսական զորքերը հարձակվել են Զապորոժիեի վրա։ Կա 2 զոհ,տուժել է 7 մարդ ։ Այդ մասին հայտնել է Ուկրաինայի ներքին գործերի նախարար Իգոր Կլիմենկոն։ 

«Ի սկզբանե տեղեկություն կար 3 զոհի մասին։ Ի ուրախություն, մեկ մարդու հաջողվել է վերակենդանացնել»,- նշել է նա։

Կլիմենկոյի խոսքով՝ հարվածից հետո հրդեհ էր բռնկվել տնտեսական նշանակության շենքերից մեկում, որն արագ մարվել է հրշեջների կողմից։ «Ոստիկանությունը բնակելի շենքերում բնակարանային շրջայց է կատարել։ Զոհեր կամ վիրավորներ չեն հայտնաբերվել։ Տուժել են մարդիկ, որոնք հարվածների ժամանակ եղել են փողոցում»,- ասել է Ուկրաինայի ՆԳ նախարարը։

Ուկրաինայի նախագահի գրասենյակի ղեկավար Անդրեյ Երմակը հայտարարել է, որ նախնական տվյալներով, այս անգամ հարվածը հասցվել է «Искандер»-ից։ Հարվածի հետևանքով տուժել է նաև քաղաքի եկեղեցիներից մեկը։ 

«Ռուսաստանի այս ռազմական հանցագործությունն էլ անպայման կպատժվի։ Իսկ ռուսաստանցի ահաբեկիչներին պատասխանը կլինի առաջնագծում՝ մեր հերոսական մարտիկների շնորհիվ»,- հարձակումն այսպես է մեկնաբանել Ուկրաինայի նախագահ Վլադիմիր Զելենսկին։

Լուսանկարը՝ Viacheslav Ratynskyi/Reuters