Ներքին գործերի նախարարության փրկարար  ծառայության փոխանցմամբ՝ օգոստոսի 10-12-ը Ճգնաժամային կառավարման ազգային կենտրոնում 11 ահազանգ է ստացվել հանրապետության տարբեր տարածքներում նկատված օձերի վերաբերյալ:

Մասնավորապես՝ Երևանում, Էջմիածին, Նոյեմբերյան, Մարալիկ, Արարատ, Իջևան, Ստեփանավան քաղաքներում և Արփի գյուղում։

Դեպքի վայր ժամանած փրկարարներն իրականացրել են տեղազննում, որի արդյունքում հայտնաբերել են 1 լորտու տեսակի սողուն, 3 գյուրզա, 1 սահնօձ տեսակի օձ։ Օձերը տեղափոխվել են անվտանգ տարածք: