Երևանի քաղաքապետ Տարոն Մարգարյանի հանձնարարությամբ կգույքագրվեն մայրաքաղաքի չգործող, սակայն վերագործարկման ենթակա ցայտաղբյուրները՝ վերանորոգելու և հետագա շահագործումն ապահովելու նպատակով:

Երևանցիների ու քաղաքի հյուրերի համար կթարմացվեն քաղաքի տարբեր հատվածներում տեղադրված մշակութային օջախների ցուցատախտակները:

Հնարավորինս սեղմ ժամկետում կկարգաբերվեն և անհրաժեշտության դեպքում նորերով կփոխարինվեն մայրաքաղաքի տարածքում տեղադրված ավտոճանապարհային նշանները: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը: