![](/static/articles/15/91/80/l-QlTgqzbi0Y.jpg)
Երևան-Սիսիան ճանապարհին ավտոմեքենան կողաշրջվել է․ կա զոհ և 3 տուժած
Օգոստոսի 19-ին՝ ժամը 11:26-ին, Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սառնակունք-Սպանդարյան ավտոճանապարհին տեղի է ունեցել ՃՏՊ, կա տուժած: Այս մասին հայտնում են Ներքին գործերի նախարարության փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարար ծառայության փոխանցմամբ՝ Երևան-Սիսիան ավտոճանապարհի 149-րդ կմ-ին «Toyota» մակնիշի ավտոմեքենան դուրս է եկել ավտոճանապարհի երթևեկելի հատվածից և կողաշրջվել։ Ուղևորներից մեկը մահացել է, իսկ 3-ը հոսպիտալացվել են բժշկական կենտրոն, որտեղ բժիշկները նրանց առողջական վիճակը գնահատել են բավարար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել