![](/static/articles/01/59/31/l-t5x8A9QGbO.jpg)
«Չորրորդ ինքնիշխանություն». դեռ հույսը չի կորցրել
«Ժառանգություն» խմբակցության ղեկավար Ռուբեն Հակոբյանը հայտարարել է, թե իրենք դեմ են քվեարկել կառավարության ծրագրին և ոչ թե կառավարությանը:
«ՉԻ» - Փաստորեն, «Ժառանգությունն» այս կառավարությանը դեմ չէ: Պարզապես մի քիչ վատ ծրագիր էին ներկայացրել, իրենք էլ ստիպված դեմ քվեարկեցին: Իսկ ընդհանրապես ոչինչ, լավ կառավարություն է: Կարևորը՝ ձևավորվել է փայլուն ընտրությունների արդյունքում կազմավորված խորհրդարանական մեծամասնության կողմից:
Մի րոպե, բայց «Ժառանգությունը» կարծես թե դժգոհ էր ընտրություններից, ինչ-որ զանգվածային կեղծիքների ու ընտրակաշառքների մասին էին խոսում... Թե՞ սխալ ենք հիշում: Կամ էլ «Ժառանգության» նվիրյալները հույս ունեին, որ կարելի է կաշառքով ու ուռճացված ցուցակներով «հաղթել» ընտրություններում և նորմալ կառավարություն ձևավորել, բայց հետո դաժան հիասթափություն ապրեցին: Իսկապես, ո՞ւմ մտքով կանցներ, որ կեղծիքներով ձևավորված իշխանությունները կեղծ ծրագիր կներկայացնեն:
Բայց կարևորն այն է, որ Ռուբեն Հակոբյանն ուզում է լավատեսորեն նայել ապագային: Ճիշտ էլ անում է: Եթե շատ լավատեսորեն նայի, մեկ էլ տեսար կոալիցիայի մեջ ընդգրկեցին: Մարդը կառավարությանը դեմ չէ, իսկ ծրագրեում միշտ էլ կարելի է մի երկու ստորակետ փոխել:
Մեկնաբանություններ (1)
Մեկնաբանել