«Սոթքի հատվածում տեղակայված հայկական դիրքերի ուղղությամբ Ադրբեջանի ԶՈՒ կրակի հետևանքով հայկական կողմն ունի 2 զոհ, 1 վիրավոր»,- հայտնում է Հայաստանի Պաշտպանության նախարարությունը: 

Զոհված զինծառայողների տվյալները, ինչպես նաև վիրավոր զինծառայողի առողջական վիճակի մասին պաշտպանության նախարարությունը խոստանում է հաղորդագրություն հրապարակել ավելի ուշ:

Ավելի վաղ ՊՆ-ն հայտնել էր, որ սեպտեմբերի 1-ին՝ ժամը 07:50-ից սկսած, Ադրբեջանի ԶՈՒ-ն ինտենսիվ կրակ է բացել Գեղարքունիքի մարզի Սոթք բնակավայրի հատվածում տեղակայված հայկական դիրքերի ուղղությամբ:

ՊՆ հաղորդագրության համաձայն՝ նույն ուղղությամբ Ադրբեջանի ԶՈՒ-ն, տարբեր տրամաչափի հրաձգային զենքերից զատ, կիրառում է նաև ականանետ: