Հյուսիսային Կորեան թևավոր մի քանի հրթիռ է արձակել Դեղին ծովի ուղղությամբ։ Այդ մասին հայտնել է Yonhap գործակալությունը՝ հղում անելով Հարավային Կորեայի զինված ուժերի ներկայացուցիչներին։ 

Արձակված հրթիռների քանակը և դրանց թռիչքի այլ մանրամասներ չեն նշվում։ 

Հարավային Կորեայի շտաբների պետերի միացյալ կոմիտեն հայտարարել է, որ արձակումն իրականցվել է տեղի ժամանակով մոտ 04:00-ին (Երևանի ժամանակով՝ 23:00-ին)։ Գործակալությունը նշում է, որ դրա հետևանքով հայտարարվել է բարձր պատրաստականություն ու ուժեղացվել Փհենյանի գործողությունների նկատմամբ վերահսկողությունը։

Լուսանկարը՝ Ahn Young-joon / AP