32 տարի առաջ՝ 1991 թվականի սեպտեմբերի 2-ին, Ստեփանակերտում տեղի ունեցած պատգամավորների մարզային և Շահումյանի շրջանային խորհրդի համատեղ նստաշրջանում Լեռնային Ղարաբաղի Հանրապետության հռչակման և նրա պետական իշխանության ու կառավարման ժամանակավոր մարմինների ձևավորման մասին հռչակագիր ընդունվեց:

1991թ. դեկտեմբերի 10-ին կայացած հանրաքվեի արդյունքում Արցախի բնակչության 99.89%-ն «այո» ասաց անկախությանը:

Սեպտեմբերի 2-ին Երևանի Ազատության հրապարակում ընդդիմությունը հանրահավաք էր կազմակերպել՝ նվիրված Արցախի անկախության օրվան։ Հանրահավաքին ներկա էին նաև ՀՀ երկրորդ և երրորդ նախագահները՝ Ռոբերտ Քոչարյանը և Սերժ Սարգսյանը։