Առողջապահության նախարարի հունիսի 19-ի հրամանով անվավեր է ճանաչվել «Շերինգ-Փլաու Լաբո Ն.Վ., Բելգիա, Շերինգ-Փլաու Սենտրալ Իստ ԱԳ (Շվեյցարիա)-ի համար» ընկերության արտադրության «Նիտրոմիցին 50մգ/2մլ ներարկման լուծույթ» և «Նիտրոմիցին 200մգ/2մլ ներարկման լուծույթ» դեղերի գրանցումը Հայաստանում:

Դեղերի գրանցումն անվավեր է ճանաչվել՝ հիմք ընդունելով ՀՀ կառավարության 2002 թ. օգոստոսի 15-ի որոշմամբ հաստատված առողջապահության նախարարության կանոնադրության 12-րդ կետը, կառավարության 2001 թ. ապրիլի 25-ի որոշման 29-րդ և 30-րդ կետերը, առողջապահության նախարարության դեղաբանական խորհրդի 2012 թ. հունիսի 8-ի նիստի եզրակացությունը: