Երևանի Նոր Նորք վարչական շրջանում գտնվող 2/36 տեղամասում ընտրողների մասնակցության ցածր ցուցանիշ է գրանցվել։ Հանձնաժողովի նախագահ Նորայր Զատիկյանի խոսքով՝ ժամը 15:30-ի դրությամբ 1693 ընտրողից ընտրությանը մասնակցել է ընդամենը 260 ընտրող։ Ընտրական տեղամասում խախտումներ չեն արձանագրվել։ 

Ընտրական գործընթացին մասնակցության փորձ ունեցող հանձնաժողովի նախագահը պասիվ մասնակցությունը պայմանավորում է նաև «Սուրբ խաչի» տոնով՝ չբացառելով, որ օրվա երկրորդ կեսից հետո գուցե մասնակիցների թիվն ավելանա։ 

«Տվյալ տոնակատարությունն իր ազդեցությունը թողնում է ընտրությունների վրա»,- ասաց Նորայր Զատիկյանը՝ հավելելով, որ լսել է խոսակցություններ, որ մարդիկ ընտրությանը մասնակցելու իմաստ չեն տեսնում, կարծում են՝ ընտրվողը կընտրվի և այլն։ 

Երևանի ավագանու ընտրություններին մասնակցում է 14 քաղաքական ուժ՝ 13 կուսակցություն և 1 դաշինք։

Առավել մանրամասն՝ տեսանյութում։