Արցախի Մարդու իրավունքների պաշտպանի գրասենյակի կողմից հավաքագրված տվյալների համաձայն՝ սեպտեմբերի 20-ի՝ ժամը 21:30-ի դրությամբ, կա առնվազն 200 զոհ և ավելի քան 400 վիրավոր։

«Քաղաքացիական բնակչության շրջանում վիրավորների թիվը գերազանցում է 40-ը, որոնցից 13-ը երեխաներ են։ Այս պահին կա 10 քաղաքացիական զոհ, որոնցից 5-ը երեխաներ են։

Մեր գրասենյակի կողմից անհայտ կորածների ճակատագիրը պարզելուն ուղղված փաստահավաք աշխատանքները շարունակվում են»,- ասված է հաղորդագրությունում։