«Պահանջում ենք պատժել «Հարսնաքարում» տեղի ունեցածի բոլոր մեղավորներին» խմբի անունից ԱԺ-ի բոլոր խմբակցություններին է  ներկայացվնում հետևայալ դիմում- պահանջը.

 «Հայտնում ենք մեր վրդովմունքը հունիսի 17-ին ԱԺ պատգամավոր Ռուբեն Հայրապետյանի սեփականություն հանդիսացող, «Հարսնաքար» ռեստորանային համալիրում տեղի ունեցած ծեծկռտուքի կապակցությամբ, որի պատճառով ՊՆ երեք սպա, առողջական խնդիրներով տեղափոխվել են հիվանդանոց: 

Զավեշտն այն է, որ ռեստորանային համալիրի աշխատակիցների կողմից հրահրված ծեծկռտուքի պատճառ է հանդիսացել բժիշկների սպորտային համազգեստ կրելը և համալիրի աշխատակիցների նախանձելի կարգապահությունը: 
Համոզված հայտարարում ենք, որ այս դեպքը վկայում է օլիգարխների և իշխանության ամենաբարձր օղակների հետ սերտաճած լինելու և անպատժելիության մթնոլորտի հանգամանքների մասին: 
Դատապարտելով բռնության ցանկացած տեսակի դրսևորում և ոստիկանության որոշ բարձրաստիճան պաշտոնյաների` վաղաժամ սանիկ-քավորական կապով պայմանավորված` հանցանք պարունակող գործողությունները պարտակող հայտարարությունները, հանցագործության ոչ բոլոր մասնակիցներին ներգրավելու հանգամանքը, մենք թերահավատորեն ենք վերաբերում քննչական ծառայությունների աշխատանքներին և պահանջում ենք. 

• ՀՀ-ում ամենաթողության կարծրատիպը վերացնելու նպատակով ԱԺ պատգամավորի մանդատից զրկել ԱԺ պատգամավոր Ռուբեն Հայրապետյանին,
• ԱԺ-ում ստեղծել բոլոր խմբակցության անդամներից ժամանակավոր անկախ հանձնաժողով, քննչական ծառայությունների գործողությունները վերահսկելի և թափանցիկ դարձնելու նպատակով: 

Խմբի անդամ

«Կայուն զարգացում» ՀԿ նախագահ`   Արմեն Փարսադանյան

Հեռ. 094 42 59 42

ք.Կապան Մելիք Ստեփանյան 14/26