Տեսանյութեր
Լուսանկարներ
Գագիկ Բեգլարյանը գոհ է ճակատագրից
Տրանսպորտի եւ կապի նախարար Գագիկ Բեգլարյանն այսօր կառավարության նիստից հետո ամեն կերպ փորձում էր խուսափել լրագրողների հարցերից, սակայն մտքափոխ եղավ ու վերադարձավ կառավարության շենք: Երևանի քաղաքապետի պաշտոնից հեռանալուց հետո Գագիկ Բեգլարյանի հետ սա առաջին հարցազրույցն էր, և լրագրողները նրան հիշեցրին 2010թ. դեկտեմբերի 3-ին աշխարհահռչակ տենոր Պլասիդո Դոմինգոյի համերգին հաջորդած իրադարձությունները, որոնց արդյունքում էլ նա պաշտոնաթող եղավ։
«Ինչ հիշաչար եք դուք, այ մարդ, մոռացեք ամեն ինչ` նոր աշխատանք, նոր ոլորտ, - արձագանքեց պարոն Բեգլարյանը։ - Ինչո՞ւ եք անընդհատ Դոմինգոյին մեղադրում: Ես միշտ իմ ճակատագրից գոհ եմ եղել, որովհետև իմ ճակատագրի կերտողը մեծավ մասամբ ես եմ եղել»:
Պարոն Բեգլարյանը գոհ է իր ճակատագրից ու հատկապես այդ համերգից եւ կարծում է, որ նախարարի պաշտոնում էլ օրինավոր պաշտոնյա կլինի: Նա ժխտեց այն լուրերը, թե ինքը իրացման գոտու բնակիչների խնդրիների հետ կապ ունի և ավելացրեց, որ էլիտար շենքերում բնակարաններ չունի։
Մանրամասները` այստեղ:
Մեկնաբանել