Հայաստանում համազգային նշանակություն ունեցող որոշումների ընդունումն իրականացվում է առանց հասարակական կարծիքի վրա հենվելու: Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Կայացվում են որոշումներ, որոնք համազգային նշանակություն ունեն ոչ միայն այսօրվա, այլև ազգի պատմության համատեքստում: Նրանք այդ որոշումները կայացնում են առանց հասարակական կարծիքի վրա հենվելու, առանց պլեբիսցիտի արդյունքների վրա հենվելու»,- Спутник ռադիոյի եթերում ասել է դիվանագետը։ 

Նա հավելել է, որ ընտրությունների գնալիս ՀՀ իշխանությունները հանրությանն այլ խոստումներ էին տալիս։

Լուսանկարը՝ Александр Рюмин / ТАСС