Հարավային Կովկասի հարցերով Եվրամիության հատուկ ներկայացուցիչ Տոյվո Կլաարը հայտնել է, որ Բաքվում և Երևանում բանակցություններ է վարել, որոնց ընթացքում քննարկվել են Ադրբեջանի և Հայաստանի միջև հարաբերությունների կարգավորման շրջանակներում հետագա քայլերը:

Back from Baku and Yerevan where I discussed next steps towards comprehensive normalisation. Important for 🇦🇿 and 🇦🇲 to stay committed to a positive and agreed agenda. Expect that this engagement will be firmed up at a high level meeting in Brussels later this month

— Toivo Klaar (@ToivoKlaar) October 13, 2023

«Վերադարձել եմ Բաքվից և Երևանից, որտեղ քննարկել եմ համապարփակ կարգավորման ճանապարհին առկա հաջորդ քայլերը։ Կարևոր է, որ Ադրբեջանն ու Հայաստանը հավատարիմ մնան դրական և համաձայնեցված օրակարգին։ Մենք ակնկալում ենք, որ այդ փոխադարձ շփումը կամրապնդվի այս ամսվա վերջին Բրյուսելում կայանալիք բարձր մակարդակով հանդիպման ժամանակ»,- X-ի իր միկրոբլոգում գրել է եվրոպացի պաշտոնյան։

Ավելի վաղ հայտնի էր դարձել, որ Ադրբեջանի նախագահ Իլհամ Ալիևի, Հայաստանի վարչապետ Նիկոլ Փաշինյանի և Եվրոպական խորհրդի նախագահ Շառլ Միշելի եռակողմ հանդիպումը նախատեսված է հոկտեմբերի վերջին Բրյուսելում:

Լուսանկարը՝ abkhazworld.com-ից