ԱԺ հաշվիչ հանձնախմբի նախագահ Նարեկ Բաբայանը հայտնել է, որ Բարձրագույն դատական խորհուրդը Վճռաբեկ դատարանի քաղաքացիական պալատի դատավորի թափուր տեղի համար առաջադրել էր Կարեն Թումանյանի, Գուրգեն Մալխասյանի եւ Նաիրա Հովսեփյանի թեկնածությունները: Այս մասին հաղորդում է ԱԺ մամուլի ծառայությունը։

ԱԺ 107 պատգամավորից քվեարկությանը մասնակցել է 67-ը: Քվեատուփում առկա է եղել 67 քվեաթերթիկ, անվավեր քվեաթերթիկներ չեն եղել: Կարեն Թումանյանի եւ Գուրգեն Մալխասյանի թեկնածությանը պատգամավորները կողմ չեն քվեարկել: Նաիրա Հովսեփյանի թեկնածությանը կողմ է քվեարկել 67 պատգամավոր:

Նաիրա Հովսեփյանն ընտրվել է Վճռաբեկ դատարանի քաղաքացիական պալատի դատավոր: