Տեսանյութեր
Լուսանկարներ
Հայաստանի և Կանադայի ԱԳ նախարարները մասնակցել են Կանադայի դեսպանության բացման արարողությանը
Հոկտեմբերի 25-ին ՀՀ արտաքին գործերի նախարար Արարատ Միրզոյանը հանդիպում է ունեցել պաշտոնական այցով Հայաստանում գտնվող Կանադայի ԱԳ նախարար Մելանի Ժոլիի հետ: Այս մասին հաղորդում է ԱԳՆ մամուլի ծառայությունը։
«ՀՀ ԱԳՆ-ում տեղի է ունեցել Հայաստանի և Կանադայի ԱԳ նախարարների առանձնազրույցը, որին հաջորդել է ընդլայնված ձևաչափով՝ երկու երկրների պատվիրակությունների մասնակցությամբ հանդիպումը: Հանդիպման արդյունքներով Արարատ Միրզոյանը և Մելանի Ժոլին հանդես են եկել համատեղ մամուլի ասուլիսով:
Նույն օրը Հայաստանի և Կանադայի ԱԳ նախարարների ներկայությամբ տեղի է ունեցել Հայաստանի Հանրապետությունում Կանադայի դեսպանության բացման պաշտոնական արարողությունը:
Այցի շրջանակներում ՀՀ ԱԳ նախարար Արարատ Միրզոյանի ուղեկցությամբ Կանադայի ԱԳ նախարար Մելանի Ժոլին այցելել է Հայոց ցեղասպանության հուշահամալիր և հարգանքի տուրք մատուցել ցեղասպանության զոհերի հիշատակին»,- ասվում է պաշտոնական հաղորդագրությունում:
Մեկնաբանել