Ռուսաստանի պաշտպանության նախարարությունը պնդում է, որ նոյեմբերի 2-ի գիշերը հակաօդային պաշտպանության ուժերին հաջողվել է «կանխել Կիևի ռեժիմի կողմից 6 անօդաչուների կիրառմամբ ահաբեկչական հարձակում իրականացնելու փորձը»:

Ըստ ռուսական կողմի՝ մեկ անօդաչու ոչնչացվել է Սև ծովի ավազանում, ևս հինգը՝ խոցվել Ղրիմի օդային տարածքում։

Ուկրաինացի պաշտոնատար անձինք, ինչպես նաև հատուկ ծառայություններում լրատվամիջոցների աղբյուրները ՌԴ պաշտպանության նախարարության այս հայտարարությունը դեռևս չեն մեկնաբանել։

Լուսանկարը՝ bnn.network-ից