ԱՄՆ Սենատը երկրի պատմության մեջ առաջին անգամ ռազմածովային ուժերի գլխավոր շտաբի պետի պաշտոնին կին է նշանակել։ Reuters գործակալության փոխանցմամբ` ծովակալ Լիզ Ֆրանքեթին Միացյալ Նահանգներում նաև առաջին կինն է, որը դարձել է Շտաբների պետերի միացյալ կոմիտեի անդամ։

ԱՄՆ ռազմաօդային ուժերի շտաբի պետի պաշտոնում էլ նշանակվել է գեներալ Դևիդ Էլվինը։ Երկու զինվորականների թեկնածության օգտին քվեարկել է 95 սենատոր, 1-ն էլ դեմ է եղել։

Հուլիսի 21-ին ԱՄՆ նախագահ Ջո Բայդենն առաջադրել էր Ֆրանքեթիի թեկնածությունը, քանի որ «նա ԱՄՆ պատմության մեջ երկրորդ կինն է, որը հասել է ԱՄՆ ռազմածովային ուժերի չորսաստղանի ծովակալի աստիճանի»։

Լուսանկարը՝ Reuters գործակալության