Գերմանիայի արտաքին գործերի նախարար Անալենա Բերբոքի հետ հանդիպմանը Հայաստանի արտաքին գործերի նախարար Արարատ Միրզոյանը ներկայացրել է «Խաղաղության խաչմերուկ» ծրագիրը։ Հայտնում է ԱԳՆ մամուլի խոսնակ Անի Բադալյանը։

Բադալյանը ֆեյսբուքյան իր էջում գրել է․ «ՀՀ կողմից մշակված նախաձեռնությունը կարող է տնտեսապես շահեկան լինել ոչ միայն տարածաշրջանի, անմիջական հարևանների համար, այլ ավելի լայն աշխարհագրությամբ, ինչպես նաև կարող է դառնալ յուրովի երաշխիք խաղաղության համար»:

Լուսանկարը՝ ՀՀ ԱԳՆ մամուլի խոսնակի ֆեյսբուքյան էջից