Իսրայելի ռազմաօդային ուժերի F-16 երկու կործանիչները ավիահարվածներ են հասցրել Սիրիայի Հոմսի մարզում տեղակայված սիրիական կառավարական ուժերի դիրքերին։ TACC գործակալության փոխանցմամբ՝ այդ մասին հայտարարել է Սիրիայում հակամարտող կողմերի հաշտեցման ռուսական կենտրոնի փոխղեկավար, փոխծովակալ Վադիմ Կուլիտը։

«Իսրայելի ռազմաօդային ուժերի F-16 մարտավարական երկու կործանիչները Լիբանանի օդային տարածքից, առանց Սիրիայի օդային տարածք մտնելու, ավիացիոն հարված են հասցրել Սիրիայի Արաբական Հանրապետության զինված ուժերի՝ Հոմսի մարզում տեղակայված դիրքերին»,- ասել է Կուլիտը։

Նա հավելել է, որ այդ հարվածների հետևանքով տուժածներ չկան։

Լուսանկարը՝ արխիվային/millenniumpost.in-ից