Ուկրաինայի զինված ուժերի գլխավոր հրամանատար Վալերի Զալուժնին պնդում է, որ ՌԴ զինված ուժերը Դոնեցկի մարզի Ավդեևկա քաղաքի վրա հարձակման ժամանակ կորցրել են մոտ 10 000 զինվորական։ Այդ մասին Զալուժնին գրառում է արել տելեգրամյան իր ալիքում՝ մեկնաբանելով Ավդեևկայի գրոհը, որը ռուսական զինուժը սկսել է մոտ մեկ ամիս առաջ։

Ուկրաինայի ԶՈւ գլխավոր հրամանատարի խոսքով՝ ուկրաինական զինվորականները մեկ ամսվա ընթացքում ոչնչացրել են ռուսական ավելի քան 100 տան, 250 այլ զրահամեքենա, մոտ 50 հրետանային միջոց ու Су-25 տեսակի 7 ինքնաթիռ։ 

Դեռ նոյեմբերի սկզբին Մեծ Բրիտանիայի պաշտպանության նախարարությունը հայտարարել էր, որ ռուսական զորքերը Ավդեևկայի վրա հարձակման ժամանակ կորցրել են մի քանի հազար զինվորական ու մոտ 200 միավոր զրահատեխնիկա։ 

Ուկրաինայի ԶՈւ ԳՇ-ն մեկ ամիս առաջ հայտարարել էր, որ հոկտեմբերի 10-ին ռուսական զորքերը ակտիվ հարձակում էին սկսել Ավդեևկայի ուղղությամբ։ Ըստ ուկրաինական կողմի՝ ռուսական զորքերը փորձում են շրջափակել Ավդեևկան:

 Լուսանկարը՝ Ozge Elif Kizil / Anadolu / East News