Գերմանիայի կանցլեր Օլաֆ Շոլցը հաջորդ ուրբաթ օրը՝ նոյեմբերի 17-ին, Բեռլինում կընդունի Թուրքիայի նախագահ Ռեջեփ Թայիփ Էրդողանին։ Այդ մասին լրագրողների հետ կայացած ճեպազրույցի ժամանակ հայտարարել է Գերմանիայի կառավարության պաշտոնական ներկայացուցիչ Քրիստիանե Հոֆմանը։

«Ուրբաթ երեկոյան կանցլերը կընդունի Թուրքիայի նախագահին։ Աշխատանքային ընթրիքի ձևաչափով բանակցությունների ժամանակ կքննարկվեն քաղաքական տարբեր թեմաներ»,- ասել է նա։

Բանակցությունների գլխավոր թեման սակայն կլինի իսրայելա-պաղեստինյան հակամարտությունը։

Բեռլինում Էրդողանը կհանդիպի նաև Գերմանիայի նախագահ Ֆրանկ-Վալտեր Շտայնմայերի հետ։

Լուսանկարը՝ Guido Bergmann/​Bundesregierung/​Getty Images