Լեհական աջակցություն Հայաստանին՝ տրակտոր Պառավաքար գյուղի համար
Լեհաստանի Հանրապետության դեսպանության ներկայացուցիչը նախօրեին հանդիսավոր կերպով նվիրաբերեց Լեհական աջակցություն ծրագրի շրջանակներում գնված տրակտորը Տավուշի մարզի Պառավաքար գյուղի համայնքի բնակիչներին:
2012 թ. դեսպանությունն իրականացնում է ընդհանուր հաշվով 6 այսպես կոչված փոքրիկ դրամաշնորհային ծրագրեր՝ Լեհական Աջակցության շրջանակներում: Ծրագրերն իրականացվում են Տավուշի, Լոռու, Արագածոտնի և Սյունիքի մարզերում:
Ծավալում են՝ դպրոցների վերանորոգումներ, ջրագծերի կառուցում, Ստեփանավանի մոտակայքում գտնվող Գյուլագարակ գյուղի դենդրոպարկին աջակցություն, ինչպես նաև Տաթևի վանքից մինչև Հարջիս զբոսաշրջային երթուղու ցուցանակների տեղադրում: Դրամաշնորհների ընդհանուր գումարը կազմում է 60 հազար եվրո: Այս մասին հայտնում է ՀՀ-ում Լեհաստանի Հանրապետության դեսպանության մամուլի ծառայությունը:
Մեկնաբանություններ (2)
Մեկնաբանել