![](/static/articles/16/20/40/l-iqLa2zIxPf.jpg)
Նախատեսվում է զինծառայողների համազգեստի փոփոխություն
Նախատեսվում է զինծառայողների համազգեստի փոփոխություն։ Այդ մասին Ազգային ժողովում հայտարարեց Պաշտպանության նախարար Սուրեն Պապիկյանը` պատասխանելով պատգամավոր Արմեն Խաչատրյանի հարցին: Նախարարի դիտարկմամբ` համազգեստի փոփոխությունը չի լիելու զուտ գույնի փոփոխություն:
«Դա բովանդակային փոփոխություն է նաև»,- ասաց նախարարը` հավելելով, որ հանրության կարծիքը ևս կարևոր է լինելու: Համազգեստը պիտի լինի որակապես լավը, հարմարավետ և համապատասխան միջազգային չափանիշներին:
Սուրեն Պապիկյանն ասաց, որ փոխվելու են բոլոր համազգեստները: Քննարկումներ եղել են տեղական արտադրողների հետ, սակայն երկրորդ փուլում միայն մեկ զորատեսակի համազգեստի համար են հայտ ներկայացրել: Այժմ աշխատում են միջազգային գործընկերների հետ, առաջիկայում կստանան առաջարկներ և կծավալեն քննարկումներ, կհայտարարվի մրցույթ:
Նախարարը նշեց, որ աշխատանքներ են տանում 2024թ․ այդ համազգեստներն ունենալու համար:
Մեկնաբանել