Փրկարար ծառայությունը հայտնում է, որ նոյեմբերի 27-ին՝ ժամը 13։51-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սիսիան քաղաքից Երևան քաղաք տանող ավտոճանապարհի 10-րդ կմ-ին տեղի է ունեցել ճանապարհատրանսպորտային պատահար, տուժածներ չկան։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «Ford» մակնիշի ավտոմեքենան դուրս է եկել ավտոճանապարհի երթևեկելի հատվածից և կողաշրջվել: 

Փրկարարները հոսանքազրկել են ավտոմեքենան և հատուկ տեխնիկայի օգնությամբ ուղղել այն։

Լուսանկարը՝ ՆԳՆ ՓԾ