Իսրայելի և ՀԱՄԱՍ-ի միջև պատերազմից մինչև օրս Գազայի հատվածում զոհվել է առնվազն 61 լրագրող։ Այդ մասին հայտնում է Լրագրողների պաշտպանության կոմիտեն (CPJ)։ 

Դեկտեմբերի 1-ի տվյալներով՝ ընդհանուր առմամբ զոհվել է պաղեստինցի 54, իսրայելցի՝ 4 և լիբանանցի 3 լրագրող։

Տարբեր աստիճանի մարմնական վնասվածքներ են ստացել ԶԼՄ-ների 11 ներկայացուցիչներ, 3 անձ էլ համարվում է անհետ կորած։ 

Ըստ առկա տվյալների՝ 19 լրագրող ձերբակալվել է։ ԶԼՄ-ների ներկայացուցիչները բախվել են նաև հարձակումների, սպառնալիքների, կիբերհարձակումների, գրաքննության և նրանց ընտանիքների անդամների սպանությունների հետ։ 

Լուսանկարը՝ Ahmad Hasaballah/Getty Images