![](/static/articles/16/25/55/l-gIolb5DOIG.jpg)
Էրդողանը կարծում է, որ Նեթանյահուին պետք է դատել որպես ռազմական հանցագործի
Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելի վարչապետ Բենյամին Նեթանյահուին Միջազգային քրեական դատարանում պետք է դատել որպես ռազմական հանցագործի՝ Գազայի հատվածում իր գործողությունների համար:
«Նեթանյահուն, որն այժմ Գազայի մսագործն է, դատապարտվելու է ոչ միայն որպես ռազմական հանցագործ, այլև որպես Գազայի մսագործ, ինչպես Միլոշևիչը»,- Anadolu գործակալության փոխանցմամբ Անկարայում իր ելույթի ժամանակ հայտարարել է Թուրքիայի նախագահը։
Էրդողանը պնդել է, որ Գազայի հատվածը պաղեստինյան տարածք է և միշտ կպատկանի պաղեստինցիներին։ «Իսրայելը ոչ միայն մարդասպան է, այլև գող։ Մենք չենք կարող թույլ տալ Իսրայելին ևս մեկ անգամ բռնազավթել Գազան»,- նշել է Էրդողանը։
Էրդողանի խոսքով՝ «նրանք, ովքեր ներխուժել են Գազա, վաղը այլ տարածքներ կփնտրեն»։ «Գազայի մսագործ Նեթանյահուն խոստովանել է, որ էքսպանսիոնիստական գաղափարներ ունի»,- հավելել է Էրդողանը։
Լուսանկարը՝ Sean Gallup/Getty Images
Մեկնաբանել