![](/static/articles/16/28/46/l-ytXZ6D4r8z.jpg)
Պուտինը մեկնաբանել է վերջին հանդիպումներին Նիկոլ Փաշինյանի բացակայությունը
Ռուսաստանի նախագահ Վլադիմիր Պուտինը հայտարարել է, որ որքան ինքն է տեղյակ ՀՀ վարչապետ Նիկոլ Փաշինյանի բացակայությունն ընդհանուր միջոցառումներից կապված է ոչ թե ՀԱՊԿ, ԱՊՀ, ԵԱՏՄ կազմակերպություններում իր աշխատանքը շարունակելու ցանկության կամ չցանկանալու հետ, այլ երկրի ներքին գործընթացներով:
«Ինչ վերաբերում է ընդհանուր միջոցառումներին Հայաստանի վարչապետի բացակայությանը, մենք գիտենք, որ դա կապված է Հայաստանում որոշ գործընթացների հետ և կապ չունի այդ ինտեգրացիոն միավորումներում աշխատանքը շարունակելու ցանկության կամ չցանկանալու հետ։ Տեսնենք, թե իրավիճակն ինչպես կզարգանա»,- հայտարարել է Ռուսաստանի նախագահը։
Հիշեցնենք, որ այսօր Պուտինը ուղիղ եթերում պատասխանում է Ռուսաստանի քաղաքացիների հարցերին։ Հիմնական հարցերը վերաբերում էին Ուկրաինայում պատերազմին, ռուս-ամերիկյան ու ռուս-եվրոպական հարաբերություններին, տարածաշրջանային գործընթացներին ու ներքին հարցերին։
Վլադիմիր Պուտինն ընդգծել է, որ չի կարծում, թե տարածաշրջանային այս ինտեգրացիոն կառույցներից Հայաստանի դուրս գալը բխում է Երևանի շահերից։ «Չեմ կարծում, որ Հայաստանի շահերից է բխում ինչ-որ կերպ դադարեցնել անդամակցությունը ԱՊՀ-ին, ԵԱՏՄ-ին, ՀԱՊԿ-ին, թեպետ ի վերջո, դա պետության ընտրությունն է»,- ասել է նա։
Լուսանկարը՝ DMITRY AZAROV/SPUTNIK/AFP VIA GETTY IMAGES
Մեկնաբանել