![](/static/articles/16/28/99/l-uu5OESaRNl.jpg)
Բայդենը Էրդողանի հետ քննարկել է ՆԱՏՕ-ին Շվեդիայի անդամակցության հարցը
ԱՄՆ նախագահ Ջո Բայդենը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ, որի ընթացքում կողմերը քննարկել են ՆԱՏՕ-ին Շվեդիայի անդամակցության գործընթացն ու հետագա շփումները: Այդ մասին հայտնում է Սպիտակ տան մամուլի ծառայությունը։
«<…> ԱՄՆ նախագահ Ջո Բայդենը խոսել է Թուրքիայի նախագահ Թայիփ Էրդողանի հետ: Նրանք քննարկել են ՆԱՏՕ-ի հզորացման կարևորությունը, այդ թվում՝ Շվեդիային որպես դաշնակից շուտափույթ ընդունելու կարևորությունը և ՆԱՏՕ-ի կառույցներում Թուրքիայի ինտեգրման մակարդակի հետագա բարձրացումը։ Նրանք պայմանավորվել են սերտ կապեր պահպանել 2024 թվականի հուլիսին Վաշինգտոնում կայանալիք ՆԱՏՕ-ի գագաթնաժողովի նախաշեմին»,- ասված է հաղորդագրության մեջ։
Երկու երկրների առաջնորդները քննարկել են նաև Մերձավոր Արևելքում տիրող իրավիճակը, այդ թվում՝ Գազայի հատված մարդասիրական օգնության մատակարարման ավելացման և քաղաքացիական բնակչության պաշտպանության միջոցառումները, ինչպես նաև պաղեստինցիների համար հնարավոր քաղաքական հեռանկարները:
Լուսանկարը՝ REUTERS/Kevin Lamarque
Մեկնաբանել