Երևանի քաղաքապետարանը մոտ 5 ժամ քննարկում էր ավտոկայանատեղիների վճարների դրույքաչափերն ըստ գոտիավորման սահմանելու հարցը: Չնայած ընդդիմադիր ավագանու անդամները կոչ արեցին կողմ չքվեարկել, այնուամենայնիվ, նախագիծն ընդունվեց։ Հունվարի 1-ից կարմիր գծերում կայանման մեկ տարվա գինը նախկին 12 000 դրամի փոխարեն սահմանվեց 160 հազար դրամ։

Երևանի ավագանու որոշմամբ՝ քաղաքը բաժանվելու է երկու գոտու՝ Ա և Բ։

Ա գոտի՝

Յուրաքանչյուր 1 ժամվա համար՝ 300 դրամ

Յուրաքանչյուր 1 օրվա համար՝ 2000 դրամ

Մեկ շաբաթվա համար՝ 5000 դրամ

Մեկ ամսվա համար՝ 18000 դրամ

Մեկ տարվա համար՝ 160 000 դրամ

Բ գոտի՝

Յուրաքանչյուր 1 ժամվա համար՝ 200 դրամ

Յուրաքանչյուր 1 օրվա համար 1000 դրամ

Մեկ շաբաթվա համար՝ 2000 դրամ

Մեկ ամսվա համար՝ 4000 դրամ

Մեկ տարվա համար՝ 24000 դրամ

Նախագծին կողմ քվեարկեց ավագանու 32 անդամ, դեմ՝ 3-ը։

Հիշեցնենք, որ Ա գոտին ներառում է Սուրբ Գրիգոր Լուսավորիչ, Ագաթանգեղոս, Խանջյան, Ալեք Մանուկյան, Չարենց, Կորյուն, Աբովյանի պուրակ, Իսահակյան, Մոսկովյան, Սարյան և Լեո փողոցների շրջանակը, ընդհանուր՝ շուրջ 40 փողոց և պողոտա:

Փոփոխությամբ՝ երեկոյան 10-ից հետո անվճար կայանելու հնարավորություն կտրվի։