ԱՄՆ Պետքարտուղարության պաշտոնական ներկայացուցիչ Մեթյու Միլլերը նախօրեին ունեցած ճեպազրույցի ժամանակ խուսափողական պատասխան է տվել Երուսաղեմի հայկական թաղամասում տեղի ունեցած բռնությունների վերաբերյալ հարցին։ 

Լրագրողի հարցին, որ Երուսաղեմի հայկական թաղամասի իշխանությունները խորը մտահոգություն են հայտնել այն կապակցությամբ, որ Իսրայելի կառավարությունը Գազայի հատվածում հակամարտությունն օգտագործում է Հայկական թաղամասից քրիստոնյա հայերին հանելու նպատակով, Միլլերը պատասխանել է, որ ամերիկյան կողմը չի ցանկանում տեսնել Իսրայելի կառավարության կողմից որևէ գործողություն, որը կարող է սրել լարվածությունը։

«Այդ հարցին կոնկրետ պատասխան չունեմ։ Մենք բազմիցս ասել ենք, որ չենք ցանկանում որևէ քայլ տեսնել Իսրայելի կառավարության կողմից, որը կարող է հանգեցնել լարվածության աճի»,- հայտարարել է Միլլերը։

Հիշեցնենք, որ խոսքը Երուսաղեմի հայկական թաղամասի «Կովերի պարտեզ» անունով տարածքի մասին է։ Դեկտեմբերի 28-ին՝ ժամը 12:40-ին, մոտ 30 անձ սև հագուստով ու դիմակներով, զինված փայտերով, արցունքաբեր նռնակներով ու այլ միջոցներով հարձակվել է Երուսաղեմի հայկական թաղամասի «Կովերի պարտեզ» տարածքում գտնվող հայերի վրա՝ նրանց վնասելու, տարածքից հանելու և ահաբեկելու նպատակով:

🚨BREAKING🚨: VIOLENT MOB ATTACKS ARMENIANS ON ARMENIAN PROPERTY!!!

A group of 30 men mounted an assault on the Cows' Garden property located within the Armenian Quarter.

A dozen Armenians were brutally assaulted.

Two Armenians have been detained by the Israeli Police. pic.twitter.com/gwziFIToNz

— Kegham Balian (@kbalian90) December 28, 2023

Հարձակման ժամանակ նրանք քարեր են շպրտել հայերի ուղղությամբ: Հայ երիտասարդներն ու անակնկալի եկած հոգևորականները մարտի են բռնվել՝ պատասխանելով ու պահելով տարածքը՝ մինչև 200 մետր հեռավորությամբ գտնվող հին քաղաքի ոստիկանների՝ օգնության հասնելը:

Երուսաղեմի պատրիարքարանը հայտնել է, որ ծանր վիրավորում են ստացել քահանաներ, Հայաստանի աստվածաբանական ակադեմիայի ուսանողներ և տեղացի հայեր։ Երուսաղեմի «Կովերի պարտեզ» տարածքի վրա հարձակումից հետո երկու հայ երիտասարդ էր ձերբակալվել, որոնք ավելի ուշ ազատ էին արձակվել։

Լուսանկարը՝ The Associated Press գործակալության