Այսօր նախագահ Վահագն Խաչատուրյանի հրամանագրով՝ Ազգային անվտանգության ծառայության տնօրեն Արմեն Աբազյանն ազատվել է պաշտոնից։ 

2023 թ․-ի դեկտեմբերի 22-ին «Ազգային անվտանգության մարմինների մասին» օրենքում փոփոխություն է կատարվել, համաձայն որի՝ Ազգային անվտանգության ծառայության տնօրենին պաշտոնի նշանակում և պաշտոնից ազատում է վարչապետը: Այդ իսկ պատճառով Արմեն Աբազյանը նախագահի հրամանագրով ազատվել է զբաղեցրած պաշտոնից և նույն օրը վարչապետի որոշմամբ նշանակվել նույն պաշտոնին։

Քիչ առաջ նախագահի այլ հրամանագրերով՝ ԱԱԾ տնօրենի տեղակալները ևս ազատվեցին պաշտոնից։

Անդրանիկ Սիմոնյանն ազատվել է Ազգային անվտանգության ծառայության տնօրենի տեղակալի պաշտոնից:

Արամ Հակոբյանն ազատվել է Ազգային անվտանգության ծառայության տնօրենի տեղակալի պաշտոնից:

Սամվել Հայրապետյանն ազատվել է Ազգային անվտանգության ծառայության տնօրենի տեղակալի պաշտոնից:

Տիգրան Հարությունյանն ազատվել է Ազգային անվտանգության ծառայության տնօրենի տեղակալի պաշտոնից: