Ռուսական զորքերը հունվարի 18-ի գիշերն անօդաչուներով կրկին հարձակվել են Ուկրաինայի վրա։ Ուկրաինայի ԶՈւ ռազմաօդային ուժերի հրամանատարության տվյալներով՝ հարձակման ընթացքում գործի է դրվել Shahed 136/131 տեսակի 33 անօդաչու։

Ուկրաինացի զինվորականները հայտնել են, որ անօդաչուներն արձակվել են Կրասնոդարի երկրամասի և Կուրսկի մարզի տարածքներից։

Ուկրաինական կողմի փոխանցմամբ՝ հաջողվել է խոցել 22 անօդաչու, մյուսները հասել են իրենց թիրախներին։

Ուկրաինայի ԶՈւ ռազմաօդային ուժերի հրամանատարությունը հայտարարել է, որ հակաօդային պաշտպանության ուժերն աշխատել են Սումիի, Նիկոլաևի, Խերսոնի, Դնեպրոպետրովսկի, Կիրովոգրադի և Խմելնիցկիի մարզերում։ Ուկրաինական զինուժն այլ մանրամասներ չի ներկայացրել։

Լուսանկարում՝ իրանական արտադրության Shahed անօդաչուն, defencesecurityasia.com-ից