Կրթության, գիտության, մշակույթի և սպորտի նախարարությունը մեկնարկում է հանրակրթության պետական չափորոշչի ներդրման լավագույն փորձառության խրախուսմանն ուղղված նոր նախաձեռնություն:

ԿԳՄՍՆ լրատվության եւ տեղեկատվության վարչության հաղորդմամբ, նոր նախաձեռնության շրջանակում յուրաքանչյուր ամիս կընտրվեն հանրակրթության ուսումնական հաստատությունների լավագույն աշխատակիցները հետևյալ 10 անվանակարգերում.

• «Չափորոշչի ներդրմանն աջակցող լավագույն տնօրեն»
• «Չափորոշչի ներդրմանն աջակցող տնօրենի տեղակալի պաշտոն զբաղեցնող լավագույն տեղակալ»
• «Լավագույն խմբակավար»
• ««Հայոց լեզու և գրականություն» բնագավառի լավագույն ուսուցիչ»
• ««Հայրենագիտություն» բնագավառի լավագույն ուսուցիչ»
• ««Օտար լեզուներ» բնագավառի լավագույն ուսուցիչ»
• «Բնագիտություն, Տեղեկատվական հաղորդակցական տեխնոլոգիաներ, Ճարտարագիտություն, Մաթեմատիկա (ԲՏՃՄ)» բնագավառի լավագույն ուսուցիչ»
• ««Հասարակություն, հասարակական գիտություններ» բնագավառի լավագույն ուսուցիչ»
• ««Արվեստ և արհեստ» բնագավառի լավագույն ուսուցիչ»
• ««Ֆիզիկական կրթություն և անվտանգ կենսագործունեություն» բնագավառի լավագույն ուսուցիչ»

Նախաձեռնությանը հայտեր կարող են ներկայացնել տվյալ պահին աշխատող տնօրենները, փոխտնօրենները, ուսուցիչները՝ իրենց լիազոր մարմին /Երևանի քաղաքապետարան, ՀՀ մարզպետարաններ/ ներկայացնելով անձը հաստատող փաստաթուղթ, տեղեկանք աշխատավայրից, ինչպես նաև անվանակարգերի համար պահանջվող նյութերը /տես՝ կից ներկայացվող ընթացակարգը/:

Հավելյալ հարցերի դեպքում խնդրում ենք զանգահարել 010-572-100 և 033-572-100 հեռախոսահամարներին /«Կրթության զարգացման և նորարարությունների ազգային կենտրոն» հիմնադրամ, Լիլիթ Մկրտչյան/:

ԾԱՆՈԹՈՒԹՅՈՒՆ Հունվար ամսին ներկայացվող հայտերի՝ լիազոր մարմին ներկայացնելու ժամկետը հունվարի 24-ն է, իսկ լիազոր մարմնի կողմից ԿԶՆԱԿ ներկայացնելու ժամկետը՝ հունվարի 26-ը:

Լուսանկարում՝ ԿԳՄՍ նախարար Ժաննա Անդրեասյանը/primeminister.am