ՌԴ Բելգորոդի մարզում կործանվել է ՌԴ զինված ուժերի Իլ-76 ռազմական ինքնաթիռ։ Այդ մասին հայտնում են ռուսական տելեգրամյան ալիքները, այդ թվում 112-ը՝ հղում անելով իր աղբյուրներին։

Ինքնաթիռում եղել է 74 մարդ: Նախնական տվյալներով նրանք բոլորը զոհվել են։

TACC գործակալությունն էլ, հղում անելով ՌԴ ՊՆ-ին, հայտնում է, որ ինքնաթիռը կործանվել է Մոսկվայի ժամանակով 11:00-ին (Երևանի ժամանակով՝ 12:00-ին)։

«Օդանավում կար Ուկրաինայի զինված ուժերի 65 գերեվարված զինծառայող, որոնք փոխանակման նպատակով տեղափոխվում էին Բելգորոդի մարզ, օդանավի անձնակազմի 6 անդամ և 3 ուղեկցող»,- նշվում է ռուսական պաշտպանական գերատեսչության տարածած հաղորդագրության մեջ։

Ինքնաթիռի կործանման վայրում աշխատում են փրկարար ծառայությունը, հրշեջ ծառայությունը և ոստիկանությունը։

Այլ մանրամասներ դեռևս չեն փոխանցվում։

Կոլաժը՝ 24tv.ua-ից