«Ռուսաստանի Դաշնության հետ համատեղ մենք այժմ մշակում ենք նոր մոտեցումներ՝ մեծաքանակ ռուսահայ համայնքում տեղական մակարդակներում կազմակերպելու հայոց լեզվի դասավանդման արդյունավետ տարբերակ՝ մեր հայրենակիցների կրթական կարիքները լավագույնս բավարարելու համար»,- այսօր մեկնարկած սփյուռքահայ ուսուցիչների մեկամսյա վերապատրաստման ծրագրի ժամանակ ասել է կրթության և գիտության նախարար Արմեն Աշոտյանը:

Նա ուսուցիչներին նաև տեղեկացրել է, որ այս տարի նախատեսվում է արտագնա վերապատրաստում Վրաստանում ոչ միայն հայագիտական, այլև մասնագիտական առարկաների գծով՝ «Վրաստանի հայկական դպրոցներում կրթության որակի բարձրացման և ազգությամբ հայ Վրաստանի քաղաքացիների՝ իրենց կրթությունը նաև Վրաստանի բուհերում շարունակելու համատեքստում»: