Ռուսական զորքերը ավիահարվածներ են հասցրել Ուկրաինայի Սումիի մարզի ուղղությամբ, ինչի հետևանքով զոհվել է 3 մարդ: Այդ մասին հայտնում է Սումիի մարզային զինվորական վարչակազմը։

Տեղական իշխանությունների տվյալներով՝ ռուսական ավիացիան յոթ կառավարվող ավիացիոն ռումբ է նետել Սումիի շրջանում։ Դրա հետևանքով ավերվել են գյուղատնտեսական ընկերություններից մեկի բնակելի տներն ու արհեստանոցը։

Վարչակազմը հայտնում է, որ զոհվել է 3 մարդ, ևս 4-ն էլ վիրավորվել է:

Ուկրաինայի ներքին գործերի նախարար Իգոր Կլիմենկոն հստակեցրել է, որ զոհերն ու վիրավորները գյուղատնտեսական ձեռնարկության քաղաքացիական աշխատողներ են:

Լուսանկարը՝ Սումիի մարզային զինվորական վարչակազմի ֆեյսբուքյան էջից