![](/static/articles/16/45/l-ReMYBMwGgn.jpg)
«Հրապարակ». Ինչո՞վ է Արմավիրի քաղաքապետը վարձատրել Ռուբեն Հայրապետյանին
Երեկ Արմավիրի բնակիչները «Հրապարակի» թղթակցին իրենց վրդովմունքն են հայտնել քաղաքի կենտրոնում գտնվող զբոսայգին ծառահատելու կապակցությամբ: Նրանք ասել են, որ մեկ շաբաթ առաջ մոտ 800 քմ տարածք ծառահատել են:
Քաղաքացիների վրդովմունքին ի պատասխան' քաղաքապետը և համայնքային չինովնիկները հավատացրել են, թե ծառահատում են այգին' հետագայում կանաչապատելու և դեկորատիվ ծառեր տնկելու նպատակով: Սակայն օրեր անց այդ տարածքում սկսել են շինարարական աշխատանքներ ծավալել, ինչից ակնհայտ է դարձել, որ ինչ-որ կառույցի հիմք են գցել:
«Հրապարակին» զանգահարած բնակիչները վստահեցնում էին, որ ծառահատված տարածքում բանկ են կառուցում, որը պատկանում է ԱԺ ՀՀԿ-ական պատգամավոր Ռուբեն Հայրապետյանին:
Նրանց կարծիքով' այդպիսով Հայրապետյանը վարձատրվել է քաղաքապետ Ռուբեն Խլղաթյանից այն բանի համար, որ մարտին տեղի ունեցած քաղաքապետի ընտրությունների ժամանակ Հայրապետյանը սատարում էր Խլղաթյանին, ինչի շնորհիվ կեղծիքներով ու սկանդալով Խլղաթյանը կարողացավ վերանվաճել քաղաքապետի պաշտոնը:
Լուսանկարը` ecolur.org-ից
Մեկնաբանություններ (1)
Մեկնաբանել