Թուրքիայի արտաքին գործերի նախարար Հաքան Ֆիդանը, որը պաշտոնական այցով գտնվում է ԱՄՆ-ում, հանդիպել է ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ:

Թուրքական TRT հեռուստաընկերության փոխանցմամբ՝ ի թիվս այլ հարցերի կողմերը քննարկել են նաև Հայաստանի և Ադրբեջանի միջև խաղաղության գործընթացը։ Թուրքական արտաքին քաղաքական գերատեսչության ղեկավարը հայտարարել է, որ հայ-ադրբեջանական խաղաղության գործընթացում ձեռք բերված առաջընթացը վճռորոշ նշանակություն կունենա Կովկասի բարգավաճման համար։

Ըստ տարածված հաղորդագրության՝ Ֆիդանն ու Սալիվանը մտքեր են փոխանակել նաև ռուս-ուկրաինական պատերազմի և Գազայի հատվածում հրադադարի վերաբերյալ:

Կոլաժը՝ Rudaw.net-ից