![](/static/articles/16/49/63/l-KC5TqzarAp.jpg)
Մակրոնը, Շոլցը և Տուսկը կքննարկեն Ուկրաինայի շուրջ առկա իրավիճակը
Գերմանիայի կանցլեր Օլաֆ Շոլցը ուրբաթ օրը՝ մարտի 15-ին, Բեռլինում բանակցություններ կվարի Ֆրանսիայի նախագահ Էմանուել Մակրոնի և Լեհաստանի վարչապետ Դոնալդ Տուսկի հետ։ Այդ մասին Բեռլինում հայտարարել է Գերմանիայի կառավարության պաշտոնական ներկայացուցիչ Շտեֆեն Հեբեշթրայթը։
«Ուրբաթ օրը՝ մարտի 15-ին. Գերմանիայի կանցլերը «Վեյմարյան եռանկյունու» ձևաչափով կհանդիպի Ֆրանսիայի նախագահ Էմանուել Մակրոնի և Լեհաստանի վարչապետ Դոնալդ Տուսկի հետ»,- ասել է գերմանացի պաշտոնյան։
Ընդ որում, նա հավելել է, որ բանակցությունների կենտրոնական թեման կլինի Ուկրաինային հետագա աջակցությունը: Բացի այդ, Գերմանիայի կառավարության ներկայացուցչի խոսքով, նախատեսված է Շոլցի ու Մակրոնի երկկողմ հանդիպումը:
Այս հանդիպման մասին ավելի վաղ գրել էր Politicо-ն։ Պարբերականը ևս նշել էր, որ հանդիպման հիմնական թեման կլինի Ուկրաինան։
Կոլաժը՝ tagesspiegel.de-ից
Մեկնաբանել