Ադրբեջանի արտաքին գործերի նախարար Ջեյհուն Բայրամովը կարծում է, որ ներկայում Երևանն ու Բաքուն խաղաղության հասնելու պատմական հնարավորություն ունեն։

«Ադրբեջանի տարածքային ամբողջականության և ինքնիշխանության ամբողջական վերականգնումից հետո Ադրբեջանի և Հայաստանի միջև խաղաղության հասնելու պատմական հնարավորություն է առաջացել»,- Ադրբեջանի, Վրաստանի և Թուրքիայի ԱԳ նախարարների եռակողմ հանդիպումից հետո կայացած համատեղ մամուլի ասուլիսի ժամանակ հայտարարել է Ադրբեջանի արտաքին գործերի նախարար Ջեյհուն Բայրամովը։

Բայրամովն ընդգծել է, որ Բաքուն «քայլեր է ձեռնարկում այդ ուղղությամբ»։ «Մեր տեսակետն այն է, որ տարածաշրջանային խաղաղության և կայունության ապահովման համար պետք է պահպանվեն միջազգային իրավունքի նորմերն ու սկզբունքները»,- նշել է նա:

Բայրամովի խոսքով՝ խաղաղության գործընթացում առաջընթացի համար միջազգային հանրությունը «պետք է դրական քայլեր ձեռնարկի, որպեսզի Հայաստանին <...> մղի բաց և ազնիվ երկկողմ բանակցություններ վարել ադրբեջանական կողմի հետ»:

Լուսանկարը՝ РИА Новости-ի