Եվրոպայի խորհրդի խորհրդարանական վեհաժողովում Ազգային ժողովի պատվիրակության անդամ Սոնա Ղազարյանը մասնակցել է Փարիզում կայացած ԵԽԽՎ մշակույթի, գիտության, կրթության եւ լրատվամիջոցների հարցերի հանձնաժողովի նիստին: Նա ընտրվել է Երիտասարդության եւ ապագայի հասարակության հարցերի ենթահանձնաժողովի փոխնախագահ: Այս մասին տեղեկանում ենք ԱԺ հաղորդագրությունից։

Պատգամավորը կպատրաստի զեկույց «Երիտասարդության դերը ժողովրդավարության վերակենդանացման հարցում» թեմայով, որը կներկայացվի վեհաժողովի լիագումար նիստում:

ԵԽԽՎ-ում ԱԺ պատվիրակության անդամ Արուսյակ Ջուլհակյանը միաձայն ընտրվել է ԵԽԽՎ փախստական եւ միգրանտ երեխաների ու երիտասարդների հարցերի ենթահանձնաժողովի նախագահ:

Լուսանկարում ձախից՝  Արուսյակ Ջուլհակյան, Սոնա Ղազարյան