Մայիսի 26-ի առավոտ` ժամը 4-ի սահմաններում, գայլերը չորս կողմից հարձակվել և Լոռու մարզի Ջրաշենի Փամբի սարի տարածքում հոշոտել են գյուղացիների սեփականությունը հանդիսացող 20 անասունի, 74-ին էլ ծանր վնասել են: Այս մասին «Հետքին» տեղեկացրեց Ջրաշենի գյուղապետ Վանիկ Ուռուսյանը:

Ըստ նրա` գայլերը մոտ 7 մլն դրամի վնաս են պատճառել ջրաշենցիներին: Գյուղապետը մարզպետ Արամ Քոչարյանից աջակցություն էր խնդրում իր համայնքի բնակիչների կրած վնասը հատուցելու համար: Մարզպետ Արամ Քոչարյանը Վանիկ Ուռուսյանին խոստացել է, որ կօգնի գյուղացիներին հատուցել կրած վնասը: