Տեսանյութեր
Լուսանկարներ
ԱՄՆ NESA կենտրոնի ղեկավար և դասախոսական կազմի ներկայացուցիչներն այցելել են Քննչական կոմիտե
Քննչական կոմիտեում շարունակվում են Կոմիտեի տարածքային մարմինների և ստորաբաժանումների քննիչների՝ բարձր տեխնոլոգիաների ոլորտում կատարվող հանցագործությունների վարույթներով և էլեկտրոնային ապացույցների ձեռքբերման հմտությունների զարգացմանն ուղղված նախաձեռնությունները։ Այս մասին հայտնում են Քննչական կոմիտեից։
«Այդ շրջանակներում ՔԿ ՀԿԳ քննության գլխավոր վարչության կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչության պետի հրավերով, Հայաստանում ԱՄՆ դեսպանատան աջակցությամբ Հայաստան են ժամանել ԱՄՆ Մերձավոր Արևելքի Հարավային Ասիայի ռազմավարական հետազոտությունների կենտրոնի (NESA) ղեկավար և դասախոսական կազմի ներկայացուցիչները՝ ծանոթանալու այս ոլորտում Հայաստանի քննչական մարմինների կարողությունների զարգացմանն ուղղված փորձի ձեռքբերման և կրթական կարիքներին։
Քննչական կոմիտեում ԱՄՆ պատվիրակությանն ընդունել է Քննչական կոմիտեի նախագահի տեղակալ Արսեն Այվազյանը։ Հանդիպման ընթացքում քննարկվել են տվյալ ոլորտում առաջատար դիրքեր ունեցող պետությունների, մասնավորապես ԱՄՆ ինստիտուցիոնալ համակարգերին և կարողություններին Կոմիտեի քննիչներին ծանոթացնելու համատեքստում ԱՄՆ Մերձավոր Արևելքի, Հարավային Ասիայի ռազմավարական հետազոտությունների կենտրոնի հետ գործակցության հնարավորությունները։
Հանդիպման արդյունքում ձեռք են բերվել կոնկրետ պայմանավորվածություններ մոտակա ամիսների ընթացքում կիբեռհանցագործությունների, բարձր տեխնոլոգիաների և էլեկտրոնային ապացույցների ձեռքբերման ոլորտում քննիչների կարողությունների զարգացման և վերապատրաստման դասընթացներ իրականացնելու շուրջ»,- նշված է հաղորդագրությունում։
Մեկնաբանել